Comunicado de agradecemento do Equipo de voleibol Emevé |
Desde o Club Voleibol Emevé de Lugo queremos, nos momentos máis duros polos que pasamos nunca, agradecer todas as mostras de agarimo que estamos recibindo desde as institucións públicas e partidos políticos de toda Galicia ata o gran número de organismos que nos están brindando o seu apoio e nos transmiten as súas palabras de ánimo. Tamén queremos dar as grazas aos clubes deportivos e asociacións de toda España. Eles máis que ninguén poden comprender a dor por unha perda como a que sufrimos. De todos os puntos do país estannos chegando palabras de consolo que non podemos máis que agradecer infinitamente. Eles saben, coma nós, que a través do deporte e da unión de todos os deportistas será máis fácil continuar coa nosa labor diaria.
E por suposto, o noso recordo tamén a todas aquelas persoas que, a título individual, se lembran das nosas nenas e do noso clube.
Sen esquecernos tampouco do noso patrocinador Laboratorios Nupel e Asociados que fai que todo sexa algo máis levadeiro.
En xeral, queremos, a través desta carta, corresponder un pouco a todos, sen esquecernos de ninguén absolutamente, os que nos fan sentir protexidos e os que nos envían as súas mostras de agarimo nestes días tan difíciles.
Co apoio de todos conseguiremos que o noso club, a nosa gran familia, siga adiante.
Club Voleibol Emevé |
