Os sindicatos explicaron onte que a protesta continuará «ata que nos paguen ou nos esgotemos».

Para iso están organizando quendas, de maneira que se encerran quen terminaron as súas horas de traballo diario.

Os sindicatos afirman que a empresa aínda non pagou unha paga extraordinaria, parte da nómina de marzo e todo abril. A patronal, en cambio, sostén que se debe nestes momentos a mensualidade de marzo e o 20% de abril». Cualifican de falso que non se pagou unha extraordinaria.

A demora no pago das nóminas é algo que, segundo os sindicatos, non mellorará cos despedimentos. «Ás cinco persoas que teñen previsto despedirnos dixéronnos que nos pagarán os salarios, pero o resto nin sequera sabe se cobrará» explicou onte a delegada sindical Mari Paz Soilán a axencia Efe.

Ambulancias Lugo ten 38 traballadores e, segundo a xerencia da empresa, agora estanse intentando «liquidar os problemas financeiros mediante a entrada de novo capital ou finanzamento de terceiras persoas» para poder «liquidar a totalidade dos salarios», entre outras cousas.

Fonte: La Voz de Galicia