A empresa “Asogal Construcciones” é a adxudicataria desta obra, unha das máis grandes do FEIL,  que ten un importe de 630.330 euros. A reurbanización da rúa da Industria empregará a 39 persoas, que traballarán en obra pública municipal nos vindeiros meses.

A obra que se ven de adxudicar de xeito provisional, e que hoxe publica o Boletín Oficial da Provincia, é unha das actuacións previstas polo Concello de Lugo ao amparo do Fondo Estatal de Investimentos Locais co fin de mellorar e equiparar todas as zonas da cidade, do norte e do sur, e que deben estar rematadas antes de finais deste ano.

O 92% das obras incluidas na memoria de proxectos do FEIL que se executarán no municipio de Lugo, están xa adxudicadas de xeito provisional ou definitivo.